Milliy baspasóz orayında “Ózarxiv” agentligi tárepinen baspasóz ánjumanı bolıp ótti.

Ánjumanda arxiv tarawın sanlastırıw, puqaralarǵa xızmet kórsetiw, normativlik bazanı jaratıw, xalıqaralıq birge islesiw hám mámleketlik qadaǵalaw baǵdarlarında erisilgen tiykarǵı nátiyjeler haqqında maǵlıwmat berildi.
Ózbekstan Respublikasında arxiv jumısın rawajlandırıwdıń 9 ayǵa mólsherlengen rejesi 21 kórsetkish boyınsha orınlanıp, sonnan 20 kórsetkish boyınsha arttırıp orınlanǵan.
Sonıń ishinde, “Ózarxiv” agentligi tárepinen Ministrler Kabinetiniń “Xızmet sheńberinde paydalanıw ushın belgilengen hújjetler menen islesiw tártibin jetilistiriw haqqında”ǵı qararı joybarı islep shıǵıldı.
9 ayda mámleketlik arxivler tárepinen 99,1 mıń saqlaw birligindegi 12,8 million kadr, búgingi kúnge shekem jámi 1 million 200 mıń saqlaw birligindegi 94,5 million kadr arxiv hújjetleriniń elektron nusqaları jaratıldı. Sonday-aq, 9 mıń 560 basqarıw, 955 jeke quram, 71 saqlaw múddeti waqtınsha bolǵan hújjetlerdiń dizimleriniń elektron nusqaları jaratıldı.
Esap beriw dáwirinde Ózbekstan milliy arxivleri hám mámleketlik arxivler tárepinen “Mámleketlik arxivlerde sanlastırılıp atırǵan hújjetlerdiń birden-bir saqlanıwın támiyinlew hám olardan paydalanıw” málimleme sistemasına jámi 999 mıń 374, sonnan, 229 fond, 1 mıń 175 dizim, 276 mıń 400 saqlaw birligi, 721 mıń 500 hújjet haqqındaǵı maǵlıwmatlar kirgizildi.
Sonday-aq, 9 ay dawamında respublika arxivlerine 405 mıń 164 tematikalıq hám sociallıq-huqıqıy mazmundaǵı sorawlar kelip túsken. Sonıń ishinde, sociallıq-huqıqıy mazmundaǵı sorawlar 332 mıń 63 ti qurap, sonnan mámleketlik arxivlerge 169 mıń 633, jeke quram hújjetleri mámleketlik arxivlerine 162 mıń 430 kelip túsken.
Arxiv hújjetleri tiykarında 226 mıń 222 sociallıq-huqıqıy mazmundaǵı sorawlardıń orınlanıwı orınlanıp, olardan 212 mıń 487 si unamlı, 13 mıń 735 i boyınsha tiyisli túsinikler berilgen. Shólkem hújjetleri arxiv saqlawına kelip túspegenligi hám tiyisliligi boyınsha tiyisli shólkemlerge jiberilgen sorawlar 90 mıń 829, esap beriw dáwirinde orınlawdaǵılar 15 mıń 12 ni quraydı.
Kelip túsken tematikalıq sorawlar 73 mıń 101 di qurap, olardan 68 mıń 172 si unamlı orınlanǵan, 4 mıń 929 ına shólkem hújjetleri arxiv saqlawına kelip túspegenligi boyınsha túsinikler berildi.
Bunnan tısqarı, 282 mámleketlik uyım hám shólkemlerde arxiv isi hám jumıs júrgiziw jaǵdayı ústinen mámleketlik qadaǵalaw ilajları ótkerildi. Mámleketlik qadaǵalaw ilajları nátiyjesinde 262 shólkemge kórip shıǵıwı májbúriy bolǵan usınıslar kirgizildi, tekseriwde anıqlanǵan nızambuzıwshılıqlar boyınsha 62 juwapker xızmetkerge hákimshilik huqıqbuzarlıq boyınsha protokollar rásmiylestirilip, tiyisli sud uyımlarına jiberildi.
Ázerbayjan Respublikası Baku qalasında “Ózbekstan-Ázerbayjan baylanısları arxiv foto hújjetlerinde” kitap-albomınıń prezentaciyası hám “Ózbekstan hám Ázerbayjan – eki tuwısqan xalıq” atamasındaǵı arxiv hújjetleriniń kórgizbesi ótkerildi.

Gulnoza Boboeva, Oybek Pardaev (surat), ÓzA