Qaraqalpaqstan Respublikası Joqarǵı Keńesiniń baslaması menen Nókis qalasında «Aral Qaraqalpaq Gaz» professional futzal klubı shólkemlestirildi.

Qaraqalpaqstan Futbol Associaciyasında shólkemlestiriwshiler tárepinen tayınlanǵan jańa klubtıń direktorı hám bas treneri menen ushırasıw ótkerildi.
Onda klub direktorı Murat Ataniyazov hám bas trener Timur Iskenderovlar klubtıń aldaǵı is-rejeleri haqqında futbol Associaciyası basshılarına keń túrde maǵlıwmatlar berip, olardıń pikir-usınısların tıńladı.
Sonı aytıp ótiwimiz kerek, “Hududgaz Qoraqalpoǵiston” gaz támiynatı filialı qáwenderliginde shólkemlestirilip atırǵan bul futzal klubı endi Ózbekstan birinshi ligasında qatnasadı.

Adilbay Orazov,
Qaraqalpaqstan xabar agentligi sholıwshısı