Milliy sportımız gúres usı jıldıń 7-21-noyabr kúnleri Saudiya Arabstanında bolıp ótetuǵın “Islam tileklesligi” oyınları sistemasınan orın aldı.

Bul áhmiyetli qarar ata-babalarımızdan miyras qádiriyatımız bolǵan gúrestiń sport túri sıpatında Islam tileklesligi sport associaciyası (ISSA) ǵa aǵza mámleketler arasında jáne de keńnen úgit-násiyatlanıwı hám onıń xalıqaralıq sport maydanındaǵı abırayın arttırıw jolındaǵı gezektegi isenimli qádem boldı.
Xalıqaralıq gúres associaciyasınıń xabarına bola, Ar-Riyodta ótetuǵın “Islam tileklesligi” oyınlarınıń gúres jarıslarında qatnasıw Aziya hám Afrikadaǵı barlıq milliy Gúres federaciyaları ushın ashıq esaplanadı.
“Islam tileklesligi” oyınlarınıń shólkemlestiriw komiteti menen kelisimge bola, hár bir mámleket delegaciyası jarıslarda 2 trener, 2 er adam hám 2 hayal gúresshiden ibarat bolıwı belgilengen.
Gúres bellesiwlerinde er adamlar -66 hám -81 kilogramm, hayal gúresshiler -57 hám -70 kilogramm salmaq kategoriyalarında jeńimpazlıq ushın gilemge shıǵadı.

T.Rwziev, ÓzA