Tutınıwshı satıp alıp atırǵan tovar (jumıs, xızmet), onı islep shıǵarıwshı haqqında isenimli hám tolıq maǵlıwmat alıw, tovardı erkin tańlaw, onıń sapalı bolıwın, satıwshı tárepinen jetkerilgen zıyannıń qaplanıwın talap etiw, buzılǵan huqıqların tiklew boyınsha tiyisli uyımlarǵa yamasa sudqa múrájat etiw huqıqına iye.

Máselen, Ózbekstan Tutınıwshılar huqıqların qorǵaw jámiyetleri federaciyasına puqaradan kelgen múrájatqa bola, quyash panelleri ornatılıp atırǵan waqıtta zıyanlanǵan hám ornına jańası ornatılǵannan soń, ulıwmalıq quyash panellerinde nasazlıq júzege kelip, sistema islemey qalǵan. “M.S.E” juwapkershiligi sheklengen jámiyeti tárepinen óz waqtında servis xızmeti kórsetilmey, jumıs keshiktirilgen.
Múrájat belgilengen tártipte Nókis qalalıq Tutınıwshılar huqıqların qorǵaw jámiyetiniń qánigeleri tárepinen úyrenildi. Puqara N.Q. hám “M.S.E” juwapkershiligi sheklengen jámiyeti tárepinen dúzilgen shártnama tiykarında ornatılǵan 9 million sumlıq quyash panelleri nasazlıǵı saplastırılıp, ońlap berildi.

Qaraqalpaqstan xabar agentligi.