Venesuelalı siyasatshı Mariya Korina Machado tınıshlıq boyınsha Nobel sıylıǵın aldı, dep xabar bermekte “Euronews” basılımı.

Málim etiliwinshe, ol Venesuela xalqı ushın “demokratiyalıq huqıqlardı úgit-násiyatlawdaǵı tınımsız miyneti hám diktaturadan demokratiyaǵa ádil hám tınısh ótiwge erisiw jolındaǵı gúresi ushın” sıylıqlandı.
– Venesueladaǵı demokratiya háreketiniń jetekshisi Mariya Korina Machado Latın Amerikasında sońǵı waqıtlardaǵı puqaralıq mártliktiń eń ájayıp úlgilerinen biri bolıp esaplanadı, – delinedi Nobel komitetiniń bildiriwinde.
Sıylıqtı tapsırıw máresimi 10-dekabr kúni bolıp ótedi.
Aldın, medicina, fizika, ximiya hám ádebiyat baǵdarlarında 2025-jılǵı Nobel sıylıǵınıń laureatları haqqında maǵlıwmat bergen edik.

Ó.Alimov, ÓzA