Tashkent qalasında qılıshlasıw sportınıń shpaga túri boyınsha eresekler arasında Ózbekstan kubogi bolıp ótti.

Onda respublikamız sportshıları da tabıslı qatnsıp, jaqsı nátiyjelerdi qolǵa kirgiziwge miyasar boldı. Atap aytqanda erler arasında jas sportshımız Qoblan Kamalov sıylı úshinshi orındı iyelegen bolsa, qızlar arasındaǵı bellesiwlerde elimizge belgili sportshı Dilnaz Murzataeva barlıq qarsılasların jeńip, altın medal iyesine aylandı.
Jeńimpaz sportshılardı jarısqa Jaqsımurat Bekmuratov tayarladı.
Erteń sablya boyınsha jarıslarǵa start beriledi.

Adilbay Orazov,
Qaraqalpaqstan xabar agentligi sholıwshısı