Senatta “Gender teńlik belsendisi” milliy tańlawın shólkemlestiriw hám ótkeriw boyınsha Respublikalıq komissiyanıń májilisi bolıp ótti.

Májiliste tańlawdıń rayon (qala), wálayatlar (Qaraqalpaqstan Respublikası) hám Tashkent qalası basqıshlarınıń nátiyjeleri jáne respublikalıq basqıshqa tayarlıq máseleleri dodalandı.
Tańlaw processlerin ǵalaba xabar quralları hám sociallıq tarmaqlarda keńnen sáwlelendiriw máselelerine de ayrıqsha itibar qaratıldı.
Atap ótilgenindey, usı jıldıń iyul-sentyabr aylarında aymaqlarda tańlawdıń dáslepki basqıshları joqarı dárejede ótkerildi.
Rayon (qala) basqıshlarına jámi 1 mıń 460 arza kelip tústi. Olardan 1 mıń 118 i tańlaw rejesiniń talaplarına muwapıq úyrenilip, bir qatar nominaciyalar boyınsha bahalandı. Nátiyjede 455 shólkem tańlawdıń aymaqlıq basqıshında qatnasıw huqıqın qolǵa kirgizdi.
Qaraqalpaqstan Respublikası, wálayatlar hám Tashkent qalası basqıshları avgust-sentyabr aylarında bolıp ótti. Bul basqıshlarda 455 shólkemniń jumısı tańlaw rejesine tiykarlanıp bahalandı.
Jumısshı toparlar tárepinen shólkemlerdiń jumısı orınlarǵa shıǵıp úyrenildi. Nátiyjede 82 shólkem jeńimpaz dep tabılıp, tańlawdıń respublikalıq basqıshına qatnasıw ushın usınıs etildi.
Májilis juwmaǵında komissiya aǵzaları tárepinen aymaqlarda ótken tańlaw basqıshı qatnasıwshılarınıń hújjetlerin jáne de hár tárepleme úyreniw, reje talaplarına ámel etiw jaǵdayın ornına shıǵıp tekseriw wazıypaları belgilendi.

N.Abduraimova, ÓzA