Germaniya hawa aymaǵında anıqlanǵan ushıwshısız qurılmalar jawınger emes, olar jansızlıq tapsırmaların orınlaǵan, dedi Germaniya kancleri Fridrix Merc Germaniyanıń “ARD” telekanalına bergen intervyuinde.

– Bárinen burın jámiyetshilikti isendirip aytaman, bizde qurallı dron menen baylanıslı birde-bir hádiyse yamasa ámeliyat bolmaǵan, – dedi ol. – Bular tek tıńshılıq urınısları ǵana. Biz bul baǵdarda ne islew kerekligin júdá jaqsı bilemiz.
Piyshembi kúni keshte Germaniya hawa háreketin basqarıw basqarması kelip shıǵıwı belgisiz bolǵan dronlardıń bir neshe ret baqlanıwı sebepli Myunxen aeroportında párwazlardı biraz waqıtqa sheklep qoydı. “Bild” gazetasınıń jazıwınsha, dronlar Erding aerodromındaǵı “innovaciya orayı” ústinen de ushıp ótken.
Shembige ótetuǵın túnde “Reuters” málimleme agentligi Myunxen aeroportı 24 saat ishinde ekinshi márte ushıwshısız samolyot hádiysesi sebepli párwazlardı toqtatqanın xabarladı.
Atap ótiliwinshe, ekinshi waqıya 23 reystiń basqa tárepke ózgeriwine hám Myunxenge 12 reystiń biykar etiliwine, sonday-aq, aeroporttan 46 reystiń keyinge qaldırılıwına yamasa biykar etiliwine alıp kelgen.

S.Rahimov, ÓzA