Ekologiya, qorshaǵan ortalıqtı qorǵaw hám klimat ózgeriwi ministrligi atız hám elatlı punktlerde japıraqlar, shóp-sharlar yamasa ósimliklerdiń basqa da qaldıqların jaǵıp jibermew haqqında eskertedi.

Bunday huqıqbuzarlıqlar “Tábiyattı qorǵaw haqqında”ǵı nızamnıń 20-statyası, “Atmosfera hawasın qorǵaw haqqında”ǵı nızamnıń 4, 24-statyalarınıń buzılıwına alıp keledi.
Sonday-aq, Hákimshilik juwapkershilik haqqındaǵı kodekstiń 88-statyası 3-bólimine tiykarlanıp puqaralarǵa bazalıq esaplaw muǵdarınıń 3 esesinen 5 esesine shekem (1 mln. 236 mıń sumnan 2 mln. 60 mıń sumǵa shekem), lawazımlı shaxslarǵa bolsa – 5 esesinen 10 esesine shekem (2 mln. 60 mıń sumnan 4 mln. 120 mıń sumǵa shekem) muǵdarda járiyma salıwǵa sebep boladı.
Bunnan tısqarı, huqıqbuzarlıq hákimshilik jaza sharası qollanılǵannan keyin bir jıl dawamında qaytalansa, puqaralarǵa BEMniń 5 esesinen 7 esesine shekem (2 mln. 60 mıń sum – 2 mln. 884 mıń sum), lawazımlı shaxslarǵa bolsa 10 esesinen 15 esesine shekem (4 mln. 120 mıń sum – 6 mln. 180 mıń sum) muǵdarda járiyma salınadı.
Ósimlik qaldıqların jaǵıw nátiyjesinde atmosferaǵa iyis gazi, uglerod oksidi sıyaqlı zıyanlı zatlar ajıralıp shıǵadı. Bul bolsa tek ǵana ekologiya ushın emes, al insanlardıń salamatlıǵı ushın da úlken qáwip tuwdıradı. Qorshaǵan ortalıqtıń pataslanıwınıń aldın alıw bárshemizdiń puqaralıq minnetimiz!

Dildora DWSMATOVA.
ÓzA