Vena qalasındaǵı tariyxıy Shyonbruni sarayında Ózbekstannıń turizm potencialı kórsetildi.

Ilajda Avstriya mámleketlik shólkemleri, ilimiy toparlar, xalıqaralıq strukturalar, diplomatiyalıq korpus hám keń jámiyetshilik wákilleri, sonday-aq, Ózbekstan Respublikası Oliy Majlisi Nızamshılıq palatasınıń delegaciyası qatnastı.
Ózbekstannıń Avstriyadaǵı Ayrıqsha hám tolıq huqıqlı elshisi Baxtiyor Ibragimov turizmniń mámleket ekonomikasındaǵı ornı, bay mádeniy-tariyxıy miyrasımız, sonıń ishinde, YuNESKO dizimine kirgizilgen obektler, turizm tarawındaǵı jańalanıwlar haqqında maǵlıwmat berdi.
Ózbekstannıń Avstriyadaǵı turizm brendiniń elshisi Gertruda Tauxammer bunday baslamalardıń mádeniyat hám turizm tarawlarındaǵı óz-ara baylanıslardı keńeytiwde úlken áhmiyetke iye ekenin atap ótip, bunday ilajlardı turaqlı ótkeriw usınısın bildirdi.
Ilajda shıǵıp sóylegen Avstriyanıń Ózbekstandaǵı elshisi Mattias Radostich elimizde, ásirese, ekonomika tarawında ámelge asırılıp atırǵan keń kólemli reformalarǵa toqtap ótip, Ózbekstan sırt elli turistler ushın eń tartımlı baǵdarlardan biri ekenin atap ótti hám ilaj qatnasıwshıların mámleketimizge mirát etti.
Prezentaciya sheńberinde shólkemlestirilgen milliy toqımashılıq hám jipekten tayarlanǵan buyımlar kórgizbesi miymanlarǵa ózbek ónermentshiliginiń bay dástúrleri menen jaqınnan tanısıw imkaniyatın berdi.

Aziza ALIMOVA tayarladı, ÓzA