I.V.Savickiy atındaǵı Qaraqalpaqstan mámleketlik kórkem óner muzeyi fondında xalqımızdıń kóshpeli turmıs táriziniń siyrek ushırasatuǵın buyımı – shınıqap saqlanbaqta.

Ol uzaq saparlarda ıdıslardı sınıp qalıwdan saqlaw ushın xızmet etken. Bunday buyımlar arnawlı iylengen teriden qolda islenip, attıń erine uslaǵıshı hám bawı járdeminde baylap qoyılǵan.
Onıń dúzilisi de ózine tán: ıdıs salatuǵın bólegi gúmbez tárizli bolıp, mayda mıs plastinalar járdeminde úshmúyeshli naǵıslar, onıń ishinde geometriyalıq formalar toqılǵan. Al, astı tegis, tamshı formasında bolıp, ıdıstı tolıq jawıp turatuǵın qaqpaq wazıypasın atqarǵan.
Bul eksponat tek ǵana ápiwayı turmıslıq buyım emes, al, qaraqalpaq xalqınıń tákirarlanbas mádeniyatında óz ornına iye qol óneriniń úlgisi bolıp tabıladı.

Qaraqalpaqstan xabar agentligi.