Awıl xojalıǵı hám balıqshılıq elimiz ekonomikasında áhmiyetli orınǵa iye bolıp, ásirese, awıllıq jerlerde jasaytuǵın xalıq ushın tiykarǵı miynet hám dáramat deregi bolıp tabıladı. Awıl xojalıǵında kishi kárxanalar tiykarınan ıssıxana, sharwashılıq, qusshılıq hám balıqshılıq penen shuǵıllanbaqta.

Beruniy rayonınıń «Altınsay» aymaǵı rayon orayınan derlik 40 kilometr alısta jaylasqan. Bul awıl puqaralar jıyınında 6 mıń 323 puqara jasap kelmekte. Xalıqtıń usı baǵdarlarda baslaǵan isbilermenlik jumısın qollap-quwatlaw, jumıssızlıqtı azaytıw maqsetinde bıyılǵı jılı 1 milliard 593 million sum jeńillikli kredit qarjıları ajıratıp berilgen bolsa, nátiyjede jumıs baslaǵan isbilermenlerdiń dáramatı ósip, kóplep awıl turǵınları turaqlı jumıs ornına iye boldı.
Awıl turǵını D.Kenjaev hákim járdemshisiniń qollap-quwatlawı menen kólde balıqshılıq baǵdarın keńeytiw ushın 10 million sum jeńillikli kredit alıp, jáne 4 awıllasın jumıs penen támiyinledi. U.Umrzoqov bolsa, awıl xojalıǵınan ijara tiykarında jer alıp, diyqan xojalıǵın shólkemlestirdi hám 1 mıń 200 dana júzim nálin egip, tárbiyalap kelmekte. Bıyıl zúráátke kirgen júzimnen dáramat kire basladı.
Awıl aymaǵında isbilermenliktiń rawajlanıwı menen xalıqtıń turmıs dárejesi de artpaqta.

Qaraqalpaqstan xabar agentligi