Respublikamızdıń barlıq orınlarında bolǵanı sıyaqlı, 1-oktyabr – «Muǵallimler hám ustazlar kúni» bayramı Ózbekstan mámleketlik dene tárbiyası ham sport universiteti Nókis filialında da kóterińki keypiyatta belgilenip ótildi.

Ilajda filial direktorı, professor B.Erimbetov jas áwladtıń ruwxıy dúnyası bay, joqarı intellektuallıq potencialǵa iye, kámil insanlar bolıp kamalǵa keliwinde ayanbay miynet etip atırǵan pidayı kásip iyeleri bolǵan muǵallim hám ustazlardıń miynetlerin joqarı bahalap, olardı bayram menen qızǵın qutlıqladı.
Ilajda sońǵı jılları húrmetli Prezidentimiz tárepinen joqarı bilimlendiriw tarawında júz berip atırǵan jańalanıw hám ózgerisler atap ótilip, bul imkaniyatlardan nátiyjeli paydalanıw zárúrligine toqtaldı.
Bunnan soń, bayram múnásibeti menen tarawda jemisli miynet etip kiyatırǵan hám jámiyetlik jumıslarda belsendilik kórsetken bir qatar professor-oqıtıwshılarǵa Minnetdarshılıq xatı tapsırıldı.
Bayram ilajı filial studentleri tárepinen tayarlanǵan koncert baǵdarlaması menen kewilli dawam etti.

Adilbay Orazov,
Qaraqalpaqstan xabar agentligi sholıwshısı