Qazaqstan Respublikası Atıraw qalasında sporttıń boks túrinen xalıqaralıq turnir bolıp ótti.

Onda Ózbekstan saylandı komandası quramında respublikamızdıń boksshileri de qatnasıp, jaqsı nátiyjelerdi qolǵa kirgizdi.
Atap aytqanda, Artur Keńesbaev basqa qarsılasların jeńip, altın medal iyesine aylanǵan bolsa, Musa Ońǵarbaev gúmis, Aydos Asanov qola medalların jeńip aldı.
Xalıqaralıq turnirde qatnasqan sportshılarımız búgin Nókis temir jol vokzalında Qaraqalpaqstan Respublikası Sport ministri Erkinbay Qutıbaev, trener-ustazları hám ǵalaba xabar quralları wákilleri menen birgelikte saltanatlı túrde kútip alındı.

Adilbay Orazov,
Qaraqalpaqstan xabar agentligi sholıwshısı