AQSh Prezidenti jáne sırt el kino kórkem ónerin nıshanǵa aldı.

Ol dúyshembi kúni járiyalanǵan bildiriwinde mámleket sırtında islengen barlıq filmlerge 100 procentlik bajı engiziletuǵının ayttı.
– Kino sanaatımız basqa mámleketler tárepinen urlanbaqta, bul tap baladan qant tartıp alıwday ańsat ótpekte. Ásirese, Kaliforniya bunnan qattı zıyan kórmekte. Sonıń ushın AQShtıń sırtta islengen hár qanday filmge 100 procent bajı salamız. “Make America great again”, – dep jazdı Tramp óziniń sociallıq tarmaǵında.
Jetekshi 2024-jıl may ayında Sawda ministrligi hám Sawda wákiline usı ilajdı ámelge asırıwǵa ruqsat bergen edi. Iyul ayında AQSh – EA sawda kelisimine qol qoyılǵan bolsa da, hújjette kino sanaatı ulıwma tilge alınbaǵan. Evropa kino tarawı wákilleri may ayında-aq bul qáwipten qáweterlengen, EA sóylesiwde olardıń mápi qorǵalmawı múmkin ekenin aytqan.
AQSh kino hám media sanaatın qorǵawshı “Motion Picture Association” (MPA) shólkemi bolsa Tramp hákimshiligine múrájat etip, Evropa nızamshılıǵı sebepli Amerikanıń iri striming platformaları qıyın jaǵdayǵa túsip atırǵanın bildirdi. Yaǵnıy, EA aymaǵında xızmet kórsetiwshi platformalar katalogınıń keminde 30 procentin Evropa filmleri qurawı shárt.
Evropa Audiovizual observatoriyasınıń maǵlıwmatına bola, 2023-jılı Qurama Shtatlarda 4,8 million Evropa filmleri kórsetilgen. Evrokomissiya házirshe Tramptıń bayanatına múnásibet bildirmedi.

Muslim Ziyo, ÓzA