Oliy Majlis Nızamshılıq palatasında Iran Islam Respublikası Islam keńesi májilisiniń deputatı, “Iran – Ózbekstan” parlamentleraralıq doslıq toparınıń baslıǵı Javad Nikbin menen ushırasıw bolıp ótti.

Sóylesiwde keyingi jılları Ózbekstan hám Iran arasındaǵı qatnasıqlar sapa jaǵınan jańa basqıshqa kóterilgeni, eki tárepleme baylanıslardıń barlıq baǵdarlarında óz-ara qatnasıqlar jedellesip, kóp tárepleme sóylesiwler bekkemlenip atırǵanı ayrıqsha atap ótildi. Ásirese, Ózbekstan Respublikası Prezidenti Shavkat Mirziyoevtiń 2023-jıl iyun ayında Iran Islam Respublikasına rásmiy saparı sheńberinde Ózbekstan – Iran qatnasıqları jáne de keń kólemli birge islesiw dárejesine kóterilgeni atap ótildi.
Sáwbetlesiw waqtında Spiker orınbasarı Rahimjon Hakimov miymanlarǵa “Ózbekstan – 2030” strategiyası sheńberinde ámelge asırılıp atırǵan keń kólemli reformalar, Nızamshılıq palatasınıń jumısı, komitet hám komissiyalarınıń wazıypaları haqqında tolıq maǵlıwmat berdi.
Óz gezeginde, Javad Nikbin Prezident Shavkat Mirziyoev tárepinen alıp barılıp atırǵan teń salmaqlı, ashıq hám konstruktivlik sırtqı siyasat, keń kólemli reformalar hám olardıń nátiyjelerin atap ótti. Sonday-aq, miyman Ózbekstanǵa saparları dawamında júdá úlken ózgerislerdiń gúwası bolıp atırǵanın, bul bolsa reformalardıń nátiyjesi ekenin atap ótti.
Ushırasıwda parlamentleraralıq qatnasıqlardı rawajlandırıw perspektivalarına toqtap ótildi. Sonıń menen birge, óz-ara paydalı birge islesiwdi bunnan bılay da keńeytiw, transport, energetika, densawlıqtı saqlaw, mádeniy-gumanitarlıq tarawlardaǵı baylanıslardı jańa basqıshqa alıp shıǵıw boyınsha pikir alısıldı.

Muhtarama Komilova,
ÓzA