Mámleketimizde paxta jıyın-terimi qızǵın dawam etip atırǵan bir dáwirde, ÓzLiDeP Qaraqalpaqstan Respublikası Keńesiniń jámááti de bul úlken processke óz úlesin qospaqta.

Atap aytqanda, Kegeyli rayonı «Kók ózek» APJ aymaǵında jaylasqan «Qudaybergen Biybaysha» fermer xojalıǵınıń paxta atızlarında partiya belsendileri paxta terimine shıǵıp, fermerler menen birgelikte awızbirshilik penen miynet etti.
– Paxta terimi tek ǵana diyqan hám fermerlerimizdiń emes, al pútkil xalqımızdıń ulıwmaxalıqlıq miynet maydanına aylanıp barmaqta. Búgin biz de «Qudaybergen Biybaysha» fermer xojalıǵı atızlarında pidákerlik penen miynet etip atırǵan fermerler menen bir qatardamız. Partiya jámááti sıpatında biziń maqsetimiz awıl xojalıǵı tarawında alıp barılıp atırǵan reformalarǵa úles qosıw hám fermerlerimizdi turaqlı qollap-quwatlaw bolıp tabıladı,-deydi ÓzLiDeP Qaraqalpaqstan Respublikası Keńesiniń qánigesi Baxadir Adilchaev.
Maǵlıwmat ushın, Kegeyli rayonı boyınsha jámi 5858 gektar maydanǵa paxta egilgen bolıp, bıyıl 18000 tonnadan aslam «aq altın» zúráátin jıynap alıw rejelestirilgen. Házirgi kúnde rayondaǵı 140 fermer xojalıǵı bul processte belsene qatnaspaqta.
Amangúl Esemuratova, ÓzLiDeP Qaraqalpaqstan Respublikası Keńesi Jámiyetshilik penen baylanıslar, málimleme siyasatı hám ideologiyalıq isler bólimi baslıǵı

Qaraqalpaqstan xabar agentligi