26-sentyabr kúni Tórtkúl rayonı 3-sanlı Balalar muzıka hám kórkem óner mektebi aldında qaraqalpaq xalıq jırawı Qurbanbay jıraw Tájibaevtıń byusti ashıldı.

Saltanatlı ilajda shıǵıp sóylegenler jırawdıń ómir jolın hám bay miyrasın eske alıp, onıń kórkem óneri keleshek áwlad ushın da tárbiya hám ilham bulaǵı ekenin atap ótti.
Byust Ózbekstan Kórkem óner akademiyasınıń aǵzası, belgili músinshi Abdulla Radjapov tárepinen islengen. Onıń balalar kórkem óner mektebi aldında ornatılıwı jas áwladqa kórkem óner hám milliy qádiriyatlardı úgit-násiyatlawdıń ózine tán belgisi bolıp esaplanadı.

Qaraqalpaqstan xabar agentligi