Respublikamızdıń barlıq aymaqlarında bolǵanı sıyaqlı, házirgi kúnleri Qanlıkól rayonındaǵı «Abdullaev Dáryabay» fermer xojalıǵında da paxta jıyın-terimi qızǵın dawam etpekte.

Bul iygilikli islerde Ózbekstan Xalıq demokratiyalıq partiyası Qaraqalpaqstan Respublikalıq Keńesi hám Qanlıkól rayonlıq keńesiniń juwaplı xızmetkerleri, deputatlar, sonday-aq, «Nurniyler Keńesi» aǵzaları belsendilik kórsetpekte.
– Paxta atızlarında partiya belsendileri hám nuraniylerdiń qatnasıwı hámmemizge kúsh-ǵayrat baǵıshlamaqta, – deydi Xalıq deputatları Qanlıkól rayonlıq Keńesindegi partiya toparınıń aǵzası Qunnazar Pirnazarov.
Sonday-aq, rayonda paxta terimine belsene qatnasıp atırǵan bir topar nuraniylerge partiyanıń estelik sawǵaları tapsırıldı.

Qaraqalpaqstan xabar agentligi