Ózbekstan Respublikası Prezidenti Sh. Mirziyoev tárepinen 2025-jıl 14-avgusttaǵı «Qaraqalpaqstan Respublikasın sociallıq-ekonomikalıq rawajlandırıwǵa qaratılǵan ilajlardı bunnan bılay da jedellestiriw haqqında»ǵı qararında Xorezm hám Qaraqalpaqstannıń turizm jónelisin óz-ara baylanıslı túrde rawajlandırıw boyınsha wazıypalar belgilengen edi.

Húrmetli Prezidentimizdiń usı qararı talaplarınan kelip shıǵıp, elimizdiń turizm potencialın arttırıw, qalalar arasında qolaylı temir jol baylanısın ornatıw maqsetinde, 27-sentyabr sánesinen baslap «Nókis – Úrgenish» jónelisinde jolawshı poezdlarınıń qatnawı jolǵa qoyıldı hám onıń dáslepki reysi Nókis qalasına jetip keldi.
Sonı aytıp ótiwimiz kerek, «Nókis – Úrgenish» jónelisinde jolawshı poezdlardıń qatnawı endigiden bılay turaqlı túrde hár kúni ámelge asırıladı.
Poezd háreketi grafigi tómendegishe:
▪Nókis saat 05:30 — Úrgenish saat 08:50.
▪Úrgenish saat 15:30 — Nókis saat 18:50.

Qaraqalpaqstan xabar agentligi