Suw – tirishilik deregi. Xalıqtı taza ishimlik suwı menen támiyinlew baǵdarında elimizdiń barlıq aymaqları sıyaqlı, respublikamızda da keń kólemli jumıslar ámelge asırılmaqta.

Atap aytqanda, Shımbay rayonı Tazajol awıl puqaralar jıyını aymaǵında xalıqtı sapalı ishimlik suwı menen támiyinlew maqsetinde, «Mánjiwli» awılına suwdı dushshılandıratuǵın zamanagóy úskene ornatıldı hám usı múnásibet penen saltanatlı ilaj bolıp ótti.
Ilajda “Summit Motors Central Asia” kompaniyasınıń baslıǵı Shukiya Xiroki, rayon hákiminiń orınbasarı hám awıl nuranıyları qatnasıp, aymaq xalqın bul jańalıq penen qutlıqladı.
Bul qayırlı is nátiyjesinde «Mánjiwli» awılındaǵı 47 xojalıq xalqı taza ishimlik suwı támiynatında mashqalasız jasaw imkaniyatına iye boldı.

Qaraqalpaqstan xabar agentligi