Qaraózek rayonında jaylasqan bir qatar aldınǵı fermer xojalıqları hár jıl sayın paxta tapsırıw shártnamasın respublikamızda birinshiler qatarında orınlap kelmekte. Bıyılǵı jılı da olar ózleriniń pidákerliklerin kórsetip, ǵawashalarǵa óz waqtında agrotexnikalıq qádelerge say tárbiya jumısların júrgizdi hám «altın gúz»de atızlarda mol zúráát jetistiriwge eristi.

Atap aytqanda, rayondaǵı «Amirbay ata», «Dawlı kól» hám «Asan» fermer xojalıqları aldınǵılar qatarında belgilengen rejeni artıǵı menen orınlawǵa miyasar boldı.
Usı múnásibet penen Qaraqalpaqstan Respublikası Joqarǵı Keńesiniń komitet baslıǵı Sh. Ótemisov hám rayon hákimi A. Baymuratovlar fermer xojalıqları atızlarında bolıp, xojalıq aǵzaları hám terimshilerge harmasın ayttı hám rayon hákimliginiń estelik sawǵaların tapsırdı.
Rayonda paxta jıyın-terimi shólkemleskenlik penen alıp barılmaqta.

Adilbay Orazov,
Qaraqalpaqstan xabar agentligi sholıwshısı.