Ózbekstan Respublikası Prezidenti Shavkat Mirziyoev AQShqa bolǵan saparı sheńberinde usı mámlekette miynet etip atırǵan hám jasap atırǵan watanlaslarımız, usı mámlekettiń abıraylı universitetlerinde bilim alıp atırǵan «El-yurt umidi» fondınıń stipendiyası iyeleri menen ushırastı.

Ótkerilgen ushırasıwda «El-yurt umidi» fondınıń stipendiyası iyesi, Qaraqalpaqstanlı Gulxumar Jaqsılıkova shıǵıp sóylep, Prezidentimizdiń basshılıǵında búgingi kúnde jaratıp berilip atırǵan imkaniyatlar alıs hám shetki aymaqlardaǵı jaslar ushın da úlken múmkinshilikler esiklerin ashıp berip atırǵanlıǵın atap ótti. Ol shıǵıp sóylewinde qabiletin júzege shıǵarıp, bilimin jetilistirip atırǵan jaslar atınan tereń minnetdarshılıǵın bildirdi.