Túrkiy mámleketler shólkemi (TMSh) Bas prokurorlarınıń 4-májilisi hám Ekonomikalıq birge islesiw shólkemi (EBSh)ne aǵza mámleketler Bas prokurorlarınıń 6-májilisi bolıp ótti.

Ilajlar sheńberinde Ózbekstan Bas prokurorı Niǵmatilla Ywldoshev Ekonomikalıq birge islesiw shólkemi (EBSh) Bas xatkeri Asad Majid Xon basshılıǵındaǵı delegaciya menen ushırastı.
Konstruktivlik sóylesiw waqtında tárepler uyımlararalıq birge islesiwdiń házirgi jaǵdayın hám onı bunnan bılay da rawajlandırıwdıń perspektivalı baǵdarların dodaladı hám birge islesiwdi keńeytiw jáne tájiriybe almasıwdı izbe-iz dawam ettiriwge kelisip aldı.
N.Ywldoshev TMSh hám EBShǵa aǵza mámleketlerdiń Bas prokurorları menen eki tárepleme ushırasıwlar da ótkerdi.
Ushırasıwlar dawamında tárepler nızam ústinligin támiyinlew hám jınayatshılıqqa qarsı gúresiw baǵdarında birge islesiwdi bekkemlew, aldıńǵı tájiriybe almasıw hám huqıq qorǵaw uyımları arasındaǵı óz-ara baylanıslardı jetilistiriw máselelerin dodaladı.
Ózbekstan Respublikası Bas prokuraturası hám Ázerbayjan Respublikası Bas prokuraturası arasında 2026-2027-jıllarǵa mólsherlengen birge islesiw baǵdarlamasına qol qoyıldı.

N.Abduraimova,
ÓzA