Ózbekstan mámleketlik konservatoriyası Nókis filialınıń studentleri Diyorbek Erimbetov, Ilhom Turimbetov, Jasurbek Pirnazarov hám Asqar Abdisultanovlar Qıtay Xalıq Respublikasındaǵı Uxan muzıka konservatoriyasında 4 ay dawamında bilim aladı.

Filial hám Qıtay Xalıq Respublikasındaǵı Uxan muzıka konservatoriyası arasında 2025-jıl 10-may kúni óz-ara birge islesiw boyınsha memorandum dúzilgen edi. Usı memorandum sheńberinde jaqında filial direktorı R.Allanbaev, “Ulıwma kásiplik hám sociallıq-gumanitarlıq pánler” kafedrası docenti wazıypasın atqarıwshı J.CHarshemov hám student-jaslar Qıtay Xalıq Respublikasında bolıp qayttı. 4 aylıq oqıw procesi de usı memorandumǵa bola, ámelge asırıladı.
Bunnan gózlengen maqset – eki joqarı oqıw ornı arasındaǵı qatnasıqlardı bekkemlew, studentlerdiń teoriyalıq hám ámeliy bilimlerin jáne de jetilistiriw, óz-ara tájiriybe almasıwdan ibarat.

Qaraqalpaqstan xabar agentligi