Nókis qalalıq tutınıwshılardıń huqıqların qorǵaw jámiyetine kelip túsken múrájatqa bola, «Qızılqum» máhálle puqaralar jıyını aymaǵında jaylasqan «G» gaz servis juwapkershiligi sheklengen jámiyetiniń janılǵı quyıw shaqapshası tárepinen puqara D.K.nıń plastik kartasınan 3 million 600 mıń sum artıqsha pul alınǵan.

Tutınıwshı avtomobilge janılǵı quyıw maqsetinde usı janılǵı quyıw shaqapshasına baradı. Avtomobil ushın quyılǵan janılǵı ushın 400 mıń sum tólemdi ámelge asırıw waqtında usı JShJ xızmetkerleri tárepinen tutınıwshı D.K.nıń plastik kartasınan artıqsha 3 million 600 mıń sum alınadı. Puqara artıqsha uslap qalınǵan puldı qaytarıp alıw maqsetinde Ózbekstan tutınıwshılardıń huqıqların qorǵaw jámiyetleri federaciyası sistemasında shólkemlestirilgen 1091 isenim telefonına múrájat qaldıradı.
Jaǵday jámiyet qánigeleri tárepinen úyrenip shıǵılıp, plastik kartadan artıqsha alınǵan pul qarjıları tutınıwshıǵa tolıq qaytarıp berildi.

Qaraqalpaqstan xabar agentligi