Ózbekstan Respublikası Bas prokurorı Niǵmatilla Ywldoshev Ekonomikalıq birge islesiw shólkemi (EBSh) Bas xatkeri Asad Majid Xon basshılıǵındaǵı delegaciya menen ushırastı.

Ushırasıwda Ekonomikalıq birge islesiw shólkeminiń regionallıq birge islesiwdi rawajlandırıwdaǵı, óz-ara isenim hám turaqlı rawajlanıwdı támiyinlewdegi roli áhmiyetli ekenligi atap ótildi.
Shólkem sheńberinde huqıq qorǵaw uyımları, atap aytqanda, prokuratura uyımları arasında jınayatshılıqqa qarsı gúresiw, nızam ústinligin támiyinlew hám turaqlılıqtı bekkemlew boyınsha nátiyjeli birge islesiw jolǵa qoyılǵan.
Konstruktivlik sóylesiw waqtında tárepler uyımlararalıq birge islesiwdiń házirgi jaǵdayı hám onı jáne de rawajlandırıwdıń perspektivalı baǵdarların dodaladı.
Ushırasıw juwmaǵında tárepler óz-ara húrmet, ashıqlıq hám isenim principlerine tiykarlanǵan birge islesiwdi keńeytiwge hám tájiriybe almasıwdı izbe-iz dawam ettiriwge tayar ekenligin bildirdi.

N.Abduraimova,
ÓzA