Elimizde xalıqtıń mútáj qatlamına zárúr materiallıq járdemler kórsetiw, sistemalı túrde kámbaǵallıqtan shıǵarıw barǵan sayın jetilisip barmaqta.

Bul baǵdarda “Sociallıq qorǵawdıń birden-bir reestri” málimleme sisteması shólkemlestirilgen bolıp, onda kem támiyinlengen shańaraqlar tapsırǵan arzalar kórip shıǵıladı hám usı reestrge kirgiziledi.
Atap aytqanda, usı jıldıń sentyabr ayı ushın 620 mıń kem támiyinlengen shańaraqlarǵa Sociallıq qorǵaw milliy agentligi tárepinen jámi 339,9 mlrd. sum qarjı AK “Xalıq banki”ne tolıq qarjılandırılıp, sonnan 27 484 shańaraqqa 11,8 mlrd. sum materiallıq járdem qarjıları ajıratılǵan.
Málim bolıwınsha, kem támiyinlengen shańaraq sıpatında napaqa alıwshılardıń 93,7 procentine bank kartaları arqalı tólemler ámelge asırıladı.
Pensiya pulların naq pulda alıwshı shańaraqlarǵa usı ay tólemleri Xalıq bankiniń kóshpeli kassaları tárepinen aydıń 27-sánesine shekem jetkerip beriliwi názerde tutılǵan.
Kem támiyinlengen shańaraqlarǵa napaqa hám materiallıq járdem pullarınıń qarjılandırılıwı óz waqtında ámelge asırılıp kiyatırǵanlıǵın atap ótiw kerek. Bul bolsa olardıń turmıs tárizin abadanlastırıwǵa xızmet etpekte.

Sherbek Islomov, ÓzA