17-23-sentyabr kúnleri Nókis qalasında sporttıń basketbol túrinen 12 jastaǵı jas óspirimler arasında Ózbekstan kubogi bolıp ótti.

Jarısqa elimizdiń barlıq aymaqlarınan eń kúshli komandalar qatnasıp, jeńimpazlıq ushın óz-ara bellesti.
Qızǵın bellesiwlerge bay bolǵan jarıs juwmaǵında, balalar arasında birinshi orındı respublikamızdıń jas sportshıları jeńip alıp, Ózbekstan kubogi iyesine aylandı.
Sıylı ekinshi hám úshinshi orınlar Tashkent qalası hám Samarqand wálayatı komandalarına nesip etti.
Al, qızlar arasında bolsa, respublikamız komandasına biraz áwmet jetispedi hám olar finalda Ferǵana wálayatı komandasına jeńilip qaldı.
Jarıstıń qola medalına Nawayı wálayatı komandası ılayıq dep tabıldı.

Adilbay Orazov,
Qaraqalpaqstan xabar agentligi sholıwshısı