AQSh húkimeti, balasında autizm qáwpi payda bolıwı sebepli hámiledar hayallardı asetaminofen (paracetamol) qabıl etiwden eskertiwdi rejelestirmekte, dep xabar berdi “Washington Post” gazetası.

Rásmiyler avgust ayında “Maunt-Sinay” medicinalıq kompleksi Garvard universiteti menen birgelikte ótkergen izertlew nátiyjesin kórip shıqpaqta. Bul juwmaq hámiledarlıqtıń erte dáwirinde paracetamol quramındaǵı tiykarǵı qural – Taylenol qabıl etiw hám tuwılajaq perzentte autizm qáwpi artıwı arasında baylanıs bar ekenligin kórsetken.
– Federal densawlıqtı saqlaw uyımı temperaturası kóterilmese, hámiledarlıq basında Taylenol qabıllamawdı usınıs etpekte, – dep jazǵan basılım.
Bunnan tısqarı autizmdi isenimli emlew quralı sıpatında ele ǵalaba bolmaǵan Leykovorin dári quralın úgit-násiyatlawdı rejelestirmekte.
May ayında Tramp AQSh balalarınıń 40 procenti keminde bir sozılmalı kesellikten qıynalıp atırǵanı, autizm bolsa hár 31 náresteden birewinde anıqlanıp atırǵanın atap ótken edi.
Bir neshe on jıllar aldın mámlekette bul kórsetkish hár 10 000 adamǵa birewden tuwra keletuǵın edi.

S.Rahimov, ÓzA