Huqıqıy múnásibet

Elektr energiyası, tábiyǵıy gaz, ishimlik hám ıssı suwdı esapqa alıw úskenelerin (esaplaǵıshların) sheshiw, salıstırıwdan ótkeriw hám ornatıw boyınsha kimge yamasa qay jerge múrájat etiw kerek?
Tashkent mámleketlik yuridikalıq universiteti Yuridikalıq klinikasınıń baslıǵı Otabek Narziev bul boyınsha tómendegilerdi málim etti:
-Elektr energiyası, tábiyǵıy gaz, ishimlik hám ıssı suwdı esapqa alıw úskenelerin sheshiw, salıstırıwdan ótkeriw hám ornatıw boyınsha bir aynaǵa arza qaldırıw kerek. Bunnan keyin arza Aymaqlıq elektr tarmaqlarına jiberiledi hám olar ornatıp beredi.
Bul tómendegi basqıshlarda ámelge asırıladı. Sonıń ishinde, elektr energiyasın esapqa alıw úskenesin sheshiw, salıstırıwdan ótkeriw hám ornatıw ushın Mámleketlik xızmetler orayına ózi kelip múrájat etiwi yamasa Birden-bir interaktiv mámleketlik xızmetler portalında dizimnen ótiwi múmkin.
Mámleketlik xızmetler orayı tábiyǵıy gazdi esapqa alıw úskenesin sheshiw, salıstırıwdan ótkeriw hám ornatıw ushın sorawnamanı salıstırıwdan ótkeriw ushın metrologiya xızmetine jiberedi.
Talaban menen kelisilgen waqıtta sorawnamada kórsetilgen mánzilge barıp, esapqa alıw úskenesin ornatıp beriw hám úsh nusqada tiyisli akt dúzgen halda plombalaw, akttiń bir nusqasın talabanda qaldırıw múmkin.
Xızmet kórsetiw juwmaqlanǵanı haqqında xabardar etiw ushın esapqa alıw úskenesi ornatılǵanı haqqındaǵı akt Mámleketlik xızmetler oraylarına jiberiledi.

Gulnoza Boboeva, ÓzA