“Euronews” basılımı Oraylıq Aziyanıń eń perspektivalı joybarlarınan biri sıpatında Samarqand qalasındaǵı “Silk Road Samarkand” turistlik kompleksi haqqında maqala basıp shıǵardı. Onda “qala ishinde qala” koncepciyası sáwlelendirilip, miymanlarǵa mádeniy miyrastı jaqınnan seziw, salamatlandırıw hám xalıqaralıq kólemdegi ilajlarda qatnasıw imkaniyatları atap ótildi.

Materialda usı komplekste jaratılǵan “Máńgi qala” etno-baǵına ayrıqsha itibar qaratılǵan. Bul jerde áyyemgi Jipek jolı qalalarınıń ortalıǵı, ónermentshilik ustaxanaları, dástúriy taǵamları hám qayta tiklengen ápsanaları miymanlar ushın kórsetiledi.
Sonday-aq, “Euronews” maqalasında “Silk Road Samarkand”tıń iri isbilermenlik orayı sıpatındaǵı áhmiyeti atap ótildi. Ol jerde Evropa tikleniw hám rawajlanıw banki májilisi jáne BMSh Jer júzilik turizm shólkemi Bas assambleyası sıyaqlı abıraylı xalıqaralıq ánjumanlar ótkerilgeni atap ótildi.
“Silk Road Samarkand” turistlik orayınıń bas direktorı Zafar Bwtaevtıń pikirinshe, jergilikli hám sırt elli ekspertler komplekstiń Ózbekstan hám Oraylıq Aziyanıń turistlik potencialın kúsheytiwdegi áhmiyetin bir neshe márte atap ótken.
– Prezidentimizdiń baslaması menen qurılǵan bul kompleks arqalı biz sırt elli miymanlar hám mámleketimiz puqaraları ushın maksimal dárejede ashıq-aydınlıq hám tartımlılıqqa erisiwge umtılmaqtamız,-dep atap ótti ol.
Basılımnıń juwmaǵına bola, bul kompleks Ózbekstandı xalıqaralıq maydanda eń perspektivalı turizm baǵdarlarınan biri sıpatında kórsetpekte. “Silk Road Samarkand” keńeyiwdi dawam ettirip, áyyemgi Samarqandtıń bay tariyxında jańa bet ashpaqta.

N.Ziyodullaeva, ÓzA