2025-jıl 1-noyabrden:

– mobil baylanıs operatorları, kommerciyalıq bankler, tólem shólkemlerine mobil qosımshalar arqalı BIMXP (Birden-bir portal) da tólemli elektron mámleketlik xızmetlerin kórsetiw imkaniyatı jaratıladı;
– mámleketlik joqarı bilimlendiriw mákemeleriniń studentlerine aylıq ijara tóleminiń bir bólegin qaytarıw boyınsha Birden-bir portal arqalı múrájat etiw imkaniyatı jaratıladı;
– “Sanlı startaplar” baǵdarlaması hám (yamasa) Oraylıq banktiń “tártipke salıw qum saatı”nda qatnasıwshı startap joybarlarǵa Sanlı maǵlıwmatlar platformasınan 1 jılǵa shekem biypul paydalanıw imkaniyatı beriledi;
– Ózbekstannıń sırt eldegi diplomatiyalıq wákilxanaları arqalı fizikalıq shaxstıń jeke identifikaciya nomerin alǵan IT-park rezidentleriniń sırt elli qánigeleri ushın aralıqtan bank esap betleri hám virtual bank kartaların ashıwǵa ruxsat beriledi;
– transportqa gaz ballonı ornatılǵanlıǵına baylanıslı maǵlıwmatlardı elektron túrde júrgiziw arqalı transport quralın dizimnen ótkeriw gúwalıǵın qayta rásmiylestiriw tártibi biykar etiledi.
– 2025-jıl 1-dekabrden mámleketlik emes kommerciyalıq emes shólkemlerge “Sanlı húkimet” sistemasınıń Uyımlararalıq integraciyalasıw platforması arqalı belgilengen tártipte elektron uyımlararalıq birge islesiwdi ámelge asırıwǵa ruxsat beriledi.
-2026-jıl 1-yanvardan:
– puqaralardıń sociallıq járdem kórsetiw boyınsha múrájatı, máhállelerdegi shańaraqlar hám xalıq maǵlıwmatların júrgiziw jáne máhállelerde xalıq penen islesiw processleri “Sanlı máhálle” platforması arqalı ámelge asırıladı;
– orta arnawlı, kásip-óner hám joqarı bilimlendiriw shólkemlerinde bilimlendiriw procesi menen baylanıslı mámleketlik xızmetler Birden-bir portal arqalı kórsetiledi.

Qaraqalpaqstan xabar agentligi