Bajıxana komiteti shegara bajıxana postlarında avtotransport qurallarınıń ruqsat etilgen salmaǵı hám gabaritleri kólemi bes procentke shekem artıq bolǵan jaǵdaylarda arnawlı ruqsatnamasız, tólem óndiriw jolı menen ótkeriw ámeliyatı biykar etilgenligin málim etedi.

Endi avtotransport qurallarınıń salmaq hám kólem parametrlerin anıqlawda ólshew ásbabınıń avtotransport quralları toqtap turǵan yamasa 5 km/saatqa shekem tezlik penen háreketlengende aldınǵıday 2 procent emes, al 5 procent parıq penen islewine jol qoyıladı hám bul júk tasıwshınıń paydasına sheshiledi.
Biraq, onda avtotransport qurallarınıń hár bir kósherine túsiwshi ruqsat etilgen salmaǵı avtotransport qurallarınıń ulıwma ruqsat etilgen massasına ámel etken halda, 10 tonnadan artpawı shárt.
Bolmasa bul avtotransport quralları Avtomobil jolları komiteti tárepinen beriletuǵın arnawlı ruqsatnama alınbaǵansha shegara bajıxana postlarınan ótkerilmeydi.
Xabarda júk tasıwshılar hám aydawshılardan shegara bajıxana postları arqalı háreketleniwde salmaq hám kólem parametrlerine qatań ámel etiwi soralǵan.

Sh.Mamaturopova,
ÓzA