Bizge belgili, xalıq arasında azıq-awqat jetispewshiliginiń aldın alıw hám ishki bazarlarda bahalardıń turaqlılıǵın támiyinlew jáne agrar tarawda xalıqtıń baslamaların qollap-quwatlaw arqalı olardıń dáramatların arttırıwda diyqan xojalıqlarınıń óz ornı bar.

Diyqan xojalıǵı tiykarınan awıl xojalıǵına mólsherlengen jerlerde shólkemlestiriledi. Bul tarawdı mámleketlik dizimnen ótkeriw nızam hújjetlerinde belgilengen tártipte ámelge asırıladı. Diyqan xojalıǵı baslıǵına Jer uchastkasına ómirlik iyelik etiw huqıqın beriwshi mámleketlik hújjet hám mámleketlik dizimnen ótkerilgenligi haqqındaǵı belgilengen úlgidegi gúwalıq beriledi.
Milliy statistika komitetiniń maǵlıwmatlarına bola, 2025-jıldıń 1-iyul jaǵdayına Ózbekstanda jumıs alıp barıp atırǵan diyqan xojalıqlarınıń sanı 414 341 di quraǵan.
Búgingi kúnde elimizde Ándijan wálayatı (67 mıń 197) eń kóp diyqan xojalıqları shólkemlestirilgen aymaq bolıp esaplanadı. Keyingi orınlarda Samarqand (50 608), Ferǵana (40 701), Namangan (39 535), Xorezm (39 388), Qashqadárya (34 744), Buxara (31 893), Surxandárya (27 639), Tashkent (24 757), Jizzaq (21 225) wálayatları turadı.
Sonday-aq, Qaraqalpaqstan Respublikasında 14 785, Sırdáryada 11 954, Nawayı wálayatında 9 887 hám Tashkent qalasında 28 diyqan xojalıǵı bar.

Gulnoza Boboeva, ÓzA