Shavkat Mirziyoev 15-sentyabrdegi sóylesiwde Qaraqalpaqstandaǵı Ústirt platosında júdá úlken gaz rezervi tabılǵanın málim etti.

“Elimizde jer astı baylıqlarınıń úlken rezervi bar. Aldın neft-gaz tarawındaǵı izlew jumısları tek ǵana 2,5−3 mıń metr tereńlikte alıp barılatuǵın edi.
Bıyıl sanaatımız tariyxında birinshi márte Ústirtte 6,5 mıń metr jer astın burawlap, júdá úlken gaz rezervi tabıldı”, – dedi ol.
Prezident “tórtinshi sanaat revolyuciyası”n ámelge asırıw ushın dúnyada tellur, litiy, selen, grafit, molibden sıyaqlı texnologiyalıq minerallarǵa talap bir neshe ese artıp atırǵanın atap ótti. Tallawlarǵa bola, dúnyadaǵı volfram, molibden, cink hám titan rezervleriniń 10−15 procenti regionımızǵa tuwra keledi, degen mámleket basshısı.

Qaraqalpaqstan xabar agentligi