Taw-kán sanaatı hám geologiya tarawı mámlekettiń ekonomikalıq rawajlanıwında áhmiyetli orın iyeleydi. Sonıń menen birge, tarawda ashıq-aydın ortalıqtı támiyinlew, korrupciyanıń aldın alıw hám xızmetkerlerde nızam buzılıwlarına mawasasız múnásibetti qáliplestiriw úlken áhmiyetke iye.

Mine, usı talaplar tiykarında Taw-kán sanaatı hám geologiya ministrliginde turaqlı túrde úgit-násiyat jumısları hám aǵartıwshılıq ilajlar ótkerilip kelinbekte.
Búgin ministrlikte shólkemlestirilgen ilajda korrupciyaǵa qarsı gúresiw ilajları haqqında sóz boldı.
Ilajda ministrliktiń Korrupciyaǵa qarsı ishki qadaǵalaw bóliminiń baslıǵı Sh.Saǵdullaev shıǵıp sóylep, úgit-násiyat hám aǵartıwshılıq jumısları arqalı tarawda taza hám ashıq-aydın ortalıq jaratıw múmkin ekenligin atap ótti.
– Korrupciyanıń aldın alıwda eń áhmiyetli baǵdar – xızmetkerlerde nızamǵa ámel etiw mádeniyatın qáliplestiriw bolıp esaplanadı. Sistemalı úgit-násiyatlaw jumısları hám ruwxıy-aǵartıwshılıq tárbiya nátiyjesinde biz tarawda ádalatlı ortalıqtı támiyinley alamız. Usı mániste, ámelge asırılıp atırǵan hár bir ilaj korrupciyaǵa qarsı gúresiwde úlken áhmiyetke iye, – dep juwmaqladı ol.
Ilaj juwmaǵında korrupciyaǵa qarsı gúresiw tek ǵana jaza ilajları menen emes, al keń kólemli aǵartıwshılıq jumıslardıń izbe-izligi jaqsı nátiyje beretuǵını ayrıqsha atap ótildi. Sonlıqtan, bunday ushırasıwlar xızmetkerlerde huqıqıy sawatlılıq hám juwapkershilikti arttırıwda ayrıqsha áhmiyetke iye.

N.Ziyodullaeva, ÓzA