«1-oktyabr – Muǵallimler hám ustazlar kúni» múnásibeti menen Taxtakópir rayonında bayram ilajı shólkemlestirildi.
Bayram ilajında rayon basshıları, taraw pidayıları, nuranıylar, hám jas pedagoglar qatnastı.

Ilajda rayon hákimi J.Adilov taraw pidayıların qızǵın qutlıqlap, perzentlerimizdi bilimli hám jetik insan etip tárbiyalawda muǵallimlerdiń atqarıp atırǵan xızmetin ayrıqsha atap ótti. Sonday-aq, ilaj dawamında mámleketimiz Prezidentiniń Bostanlıq rayonındaǵı muǵallimler menen bolǵan ushırasıwı, onda pedagog xızmetkerlerge jaratılıp atırǵan qolaylı sharayat hám qollap-quwatlawlar haqqında keń túrde aytıp ótip, elimiz basshısınıń isenimin aqlaw zárúrligine toqtap ótildi.
Ilaj dawamında rayonlıq mádeniyat bólimi tárepinen tayarlanǵan zawıqlı koncert baǵdarlaması jıynalǵanlarǵa bayram keypiyatın baǵıshladı.

Adilbay Orazov,
Qaraqalpaqstan xabar agentligi sholıwshısı