– Izlenip, anıq nátiyjege erisip atırǵan ilimpazlarımızdıń tiykarǵı bólegin professor-oqıtıwshılar qurap atırǵanı maǵan qanaatlanıwshılıq baǵıshlaydı,-dedi Prezident.

Mısal ushın, Irrigaciya universitetiniń oqıtıwshısı Ezozbek Ozodov oylap tapqan “Jaramsız suwlardı tazalaw sanlı úskenesi” bar analoglarınan 25 procent nátiyjeli islewi xalıqaralıq dárejede tán alındı. Házirgi waqıtta bul úskenege AQShtıń iri kárxanalarınan kóplegen buyırtpalar alınǵan.
Yamasa Transport universitetiniń professorı Ziyoda Odilova lokomotivler ushın dizel generatorı hám elektr tartıw motorınan ibarat gibrid sistemanı oylap taptı. “Ózbekstan temir jolları” joybardı ámeliyatqa engiziw boyınsha jumıslardı baslap jibergen.
– Kórip turǵanıńızday, joqarı oqıw ornındaǵı ilimpazlarda ekonomikamızdı rawajlandıratuǵın zor ilimiy qollanbalar, joybarlar bar.
Sonıń ushın, ilim hám biznes wákillerin bir-biri menen ushırastırıp, paydalı birgelikte isleytuǵın sistema jaratamız. Bunnan ilim de, biznes te utadı.
Sonıń ushın, oylap tabılıwlardıń tájiriybe-sınaq jumısları ushın ketetuǵın qárejetlerdi qaplawǵa qosımsha 100 milliard sum ajıratamız,-dedi mámleketimiz basshısı.

ÓzA