«Jaqında shól-qumlar hám Ámiwdárya jaǵalawları arasında joǵalıp ketkendey sezilgen kishi bir xalıqtıń ájayıp kórkem-óneri, tań qalarlıq sheberligi, kemshiliksiz talǵamı bar eken…» – dep jazǵan edi Igor Savickiy (1956-jıl).

Onıń bul pikirleriniń shınlıǵın I.V.Savickiy atındaǵı Qaraqalpaqstan mámleketlik kórkem-óner muzeyinde saqlanıp atırǵan bir dana dásker eksponatı mısalında kóriwimizge boladı.
Uzınlıǵı hám eni 23 santimetr bolǵan bul kishkene tutqısh paxta materialdan tayarlanıp, ráń-báreń jipek kesteleri menen bezelgen. Ol chaynik yamasa qumandı uslaw ushın xızmet etken.
Dáskerdiń naǵıslarında – ósimlik tárizli, haywan kórinisindegi hám geometrikalıq motivler jámlengen bolıp, shól xalıqlarınıń dástúrlerine sáykes keledi.
Dásker kelinniń júgine salınǵan bolıp, onda ámeliy gózzallıq hám turmısta qollanıwdaǵı qolaylıq jámlesken.
Búgingi kúnde bul eksponat muzeyde qaraqalpaq xalqınıń bay miyrasınıń bir úlgisi sıpatında saqlanıp kelmekte.

Qaraqalpaqstan xabar agentligi