JI-bot korrupciyaǵa qarsı gúresiw ministri wazıypasın atqaradı, dep jazbaqta Reuters.

«Albaniya Bas ministri Edi Ramanıń málim etiwinshe, jasalma intellekt járdeminde jaratılǵan virtual ministrdiń atı Diella bolıp, ol barlıq mámleketlik satıp alıwlar ushın juwap beredi.
Edi Rama Diella alban tilinen awdarǵanda “quyash” degen mánisti ańlatatuǵının, ol húkimet túrli joybarlar boyınsha jeke menshik kompaniyalar menen shártnamalar dúzetuǵın barlıq mámleketlik tenderlerdi basqaratuǵının hám jeńip shıǵatuǵının ayttı.
Diella – Ministrler Kabinetiniń fizikalıq jaqtan bar bolmaǵan, al virtual túrde jasalma intellekt tárepinen jaratılǵan birinshi aǵzası, – dep atap ótti Bas ministr jańa kabinettiń prezentaciyasında shıǵıp sóylegen sózinde. Onıń sózlerine bola, ol Albaniyanı “mámleket tenderleri korrupciyadan tolıq jıraq bolǵan mámleket”ke aylandırıwǵa járdem beredi.
Húkimet robot ústinen insan tárepinen qanday qadaǵalaw ámelge asırılıwı múmkinligi haqqında tolıq maǵlıwmat bermedi hám kimdur jasalma intellekt-bottı manipulyaciyalawı múmkinligi qáwiplerin kórip shıqpadı», delinedi xabarda.

Qaraqalpaqstan xabar agetligi