Huqıqıy múnásibet

Konstituciyamızdıń 52-statyasına bola, elimizde muǵallimniń miyneti jámiyet hám mámleketti rawajlandırıw, salamat, bárkamal áwladtı qáliplestiriw hám tárbiyalaw, xalıqtıń ruwxıy hám mádeniy potencialın saqlaw hám bayıtıwdıń tiykarı sıpatında tán alınadı. Sol sebepli mámleketimizde olarǵa keń imkaniyatlar jaratılǵan. Bul imkaniyatlardan biri olardıń mámleketlik bajıdan azat etiliwi bolıp esaplanadı.
Tashkent mámleketlik yuridikalıq universiteti Yuridikalıq klinikasınıń xızmetkeri Imomali Tuev bul boyınsha tómendegishe túsinik berdi:
– Ózbekstan Respublikasınıń “Mámleketlik bajı haqqında”ǵı nızamına bola pedagoglar mámleketlik bajıdan azat etiledi. Oǵan bola, “Mámleketlik bajı haqqında”ǵı nızamnıń 8-statyası 5-prim 2-bántine bola, Puqaralıq isleri boyınsha sudlarda pedagog xızmetkerler kásiplik jumısın ámelge asırıw dawamında óz ar-namısı, qádir-qımbatı hám issheńlik abırayın qorǵaw menen baylanıslı isler boyınsha mámleketlik bajıdan azat etiledi.
Bul nızamnıń 10-statyası 19-bántine bola, pedagog xızmetkerler kásiplik jumısın ámelge asırıw dawamında pedagog xızmetkerlerdiń huqıqların buzıp atırǵan mámleketlik uyımlardıń nızamsız qararları, olardıń lawazımlı shaxslarınıń háreketleri (háreketsizligi) ústinen hákimshilik sudqa shaǵım etkende mámleketlik bajıdan azat etiledi.

Gulnoza Boboeva, ÓzA