Sońǵı waqıtları basqalardıń atına nızamsız kredit rásmiylestiriw jaǵdayları keskin kóbeydi. Eń qáweterlisi, bunday jumıslardı ayırım lawazımlı shaxslar, jumıs ornında ózgelerdiń isenimine kirgen shaxslar da islemekte. Bunday kewilsiz jaǵdaylardıń aldın alıw ushın tómendegi xızmetti aktivlestirip qoysańız, Siziń atıńızǵa hesh kim kredit rásmiylestire almaydı!

– GooglePlay yamasa AppStore arqalı MyGov qosımshasın júkleysiz.
– MyID arqalı pasport nomeri hám tuwılǵan kúnińizdi kirgizip, shaxsıńızdı tastıyıqlaysız.
-“Kredit shártnamasın dúziwdi qadaǵan etiw” xızmetin tańlaysız hám aktivlestiresiz.
– Xızmetten paydalanıw pútkilley biypul!
-Aktivlestirilgen tıyım haqqındaǵı maǵlıwmatlar “Kredit kelisimin dúziwi qadaǵan etilgen shaxslar reestri”ne kirgiziledi, bul bolsa bankler hám finanslıq shólkemler tárepinen sizge kredit beriliwine jol qoymaydı.
-Bul áhmiyetli xızmetten paydalanıp ózińizdi hám jaqınlarıńızdı aldawshılıqtan qorǵań!
-Kredit tariyxı Bankten kredit alıw procesinde, birinshi gezekte, bank xızmetkerleri kredit tariyxıńızdı tekseredi. Sol sebepli, bankke múrájat etiwden aldın, kredit tariyxıńızdı tekserip kóriwińiz paydalı boladı.

Mansur Turakbaev,
Nókis qalalıq Ádillik bólimi
Mámleketlik xızmetler orayı bas qánigesi.
Qaraqalpaqstan xabar agentligi