15 mámleketten 50 ge shamalas ekspert, diniy ulama, teolog hám rásmiyler qatnasıp atırǵan ánjuman Strategiyalıq hám regionlararalıq izertlewler institutı tárepinen AQShtıń “Love Your Neighbor Community”mámleketlik emes shólkemi menen birgelikte ótkerilmekte.

Atap ótiliwinshe, forumnıń tiykarǵı maqseti – aǵartıwshılıq hám keńpeyillik mádeniyatı ideyaların alǵa qoyıwda xalıqaralıq birge islesiwdi bekkemlew bolıp tabıladı.
Ilajda Ózbekstanda ámelge asırılıp atırǵan reformalar atap ótildi. Atap aytqanda, jańa redakciyadaǵı “Hújdan erkinligi hám diniy shólkemler haqqında”ǵı nızam, diniy shólkemlerdi dizimge alıwdaǵı jeńillikler, Haj kvotalarınıń eki esege arttırılıwı hám jańa islam bilimlendiriw mákemeleriniń ashılıwı usılardıń qatarına kiredi.
Forum juwmaǵında bul sóylesiw tınıshlıq hám awızbirshilikke xızmet etetuǵınına, ilajdıń juwmaqlawshı hújjeti bolsa global dárejede ulıwmainsanıylıq qádiriyatlardı úgit-násiyatlaytuǵınına isenim bildirildi.

Qaraqalpaqstan xabar agentligi