Qırǵız Respublikasınıń Bishkek qalasında ótkerilgen 23 jasqa shekemgi jaslar arasında futbol boyınsha Aziya kubogi-2026 turnirine tańlap alıw basqıshında Ravshan Xaydarov basshılıǵındaǵı Ózbekstan saylandı komandası ekinshi orındı iyelewge miyasar boldı.

Turnirdiń bul basqıshında saylandı komandamız aǵzaları Shri-Lankanı 4:0, Palestinanı 2:1 esabında jeńgen bolsa, Qırǵız Respublikası saylandı komandası menen 2:2 oynawǵa eristi.
Sonı aytıp ótiwimiz kerek, bul jarısta qaraqalpaqstanlı Muhammedaliy Reymov hám Samandar Muratbaevlar qatnasıp, komandamızdıń jeńisine ózleriniń úleslerin qostı.
Aziya kubogi -2026 turniri Saudiya Arabstanında bolıp ótedi.

Adilbay Orazov,
Qaraqalpaqstan xabar agentligi sholıwshısı.