Mámleketimizde xalıqtıń qarjı sawatlılıǵın arttırıw hám olardıń paydalanıwshı sıpatındaǵı huqıqların qorǵaw baǵdarında bir qatar jumıslar ámelge asırılmaqta. Usı jıl 9-sentyabr kúni Oraylıq bank tárepinen finanslıq xızmetlerden paydalanıwshılardıń huqıqların qorǵaw baǵdarında alıp barılıp atırǵan reformalarǵa baǵıshlanǵan media-sóylesiw ótkerildi.

Oraylıq bank 2025-jıldan baslap qadaǵalaw nátiyjeliligin arttırıw hám tutınıwshılardıń mashqalaların minimallastırıw maqsetinde finanslıq xızmetlerden paydalanıwshılardıń huqıqların qorǵaw tarawında qadaǵalaw hám tártipke salıw sistemasın reformalaw boyınsha jańa strategiyalıq baǵdarlardı belgilep kelmekte.
” Finanslıq xızmetlerden paydalanıwshılardıń huqıqların qorǵaw koncepciyası”nıń maqseti Oraylıq bankte finanslıq xızmetlerden paydalanıwshılardıń huqıqların qorǵaw sistemasın reformalaw modeline kózqarastı qáliplestiriwden ibarat.
Bul koncepciya tómendegilerdi belgileydi:
– Finanslıq xızmetlerden paydalanıwshılardıń huqıqların qorǵaw tarawında Oraylıq bank siyasatı tiykarında belgilengen tutınıwshılar paydasına kútilip atırgan nátiyjeler;
– Tutınıwshınıń paydasın gózlep nátiyjelerge erisiw maqsetinde finanslıq xızmetler kórsetiwshiler tárepinen ámelge asırılǵan jumıs;
– Finanslıq xızmetlerdi jetkerip beriwshilerdiń juwapkershilikli jumıs alıp barıwın támiyinlewge qaratılǵan Oraylıq banktiń finanslıq xızmetlerden paydalanıwshılardıń huqıqların qorǵaw siyasatı;
– Oraylıq bank siyasatı qalayınsha tutınıwshı ushın nátiyjelerge erisiwge alıp keliwin túsindiretuǵın siyasat hám nátiyjeler arasındaǵı logikalıq baylanıs.
Koncepciyada Oraylıq banktiń finanslıq xızmetlerden paydalanıwshılardıń huqıqların qorǵawdıń aldınǵı sırt el tájiriybesine sáykes keletuǵın hám tutınıwshılardıń huqıqları menen imkaniyatların keńeytiwge baǵdarlanǵan nátiyjeli sistemasın qáliplestiriwge qaratılǵan tártipke salıw hám qadaǵalaw tarawındaǵı jumısınıń tiykarǵı baǵdarları alǵa qoyıldı.
Media-sóylesiw juwmaǵında jurnalist hám blogerler tema boyınsha ózlerin qızıqtırǵan sorawlarına qánigelerden juwap aldı hám ózleriniń pikir-usınısların bildirdi.

ÓzA