Usı kúnlerde Májbúriy orınlaw byurosı tárepinen qarızdarlıqlardı májbúriy tártipte óndiriw boyınsha Jol háreketi qáwipsizligi basqarması menen birgelikte reyd ilajları ótkerilmekte.

Byuronıń Qaraqalpaqstan Respublikası basqarması hám onıń aymaqlıq bólimleri xızmetkerleri tárepinen qarızdarlar rásmiy eskertilip, usı qarızdarlıq saplastırılmasa huqıqıy aqıbetleri haqqında túsinik berilgen.
Ilaj dawamında járiymaların belgilengen múddette tólemegen puqaralar zamanagóy texnologiya – AVTOCON arnawlı apparatı járdeminde anıqlanıp, 21 mıń 353 administrativlik járiymalardan 9,3 milliard sumnan aslam qarızdarlıq óndirilgen.
Sonday-aq, járiymanı tólewden bas tartqan 1 mıń 831 qarızdardıń avtotransport quralları járiyma maydanına jaylastırılǵan.
Ótkerilgen túngi reyd ilajlarınıń bir kúninde 630 million sumǵa shamalas 1 mıń 36 orınlaw hújjetleriniń orınlanıwı támiyinlenip, qarızdarlıǵı bolǵan hám óz múddetinde saplastırılmaǵan 27 qarızdardıń avtotransport quralları járiyma maydanına jaylastırıldı.
Bergeliktegi ilajlar respublikamızdıń barlıq aymaqlarında dawam etpekte.

Qaraqalpaqstan xabar agentligi