Nikol Pashinyannıń samolyotı sırt elge saparı waqtında birinshi márte Ázerbayjan hawa aymaǵınan paydalandı, dedi Armeniya Bas ministriniń baspasóz xatkeri Nazeli Bagdasaryan.

– 30-avgusttan 31-avgustqa ótetuǵın túnde Bas ministrdiń samolyotı Ázerbayjan hawa aymaǵı arqalı sırt elge saparǵa shıǵıp ketti hám 6-sentyabrge ótetuǵın túnde Armeniyaǵa qayttı, – dep jazdı Bagdasaryan sociallıq tarmaqta. – 8-avgust kúni Vashingtonda tınıshlıq ornatılǵannan soń, mámlekettiń tiyisli uyımları Ázerbayjannan ushıp ótiw ushın hawa jolın ajıratıwdı soraǵan hám unamlı juwap alǵan.
Bul waqıyanı regiondaǵı baylanıslardı sheklewden shıǵarıw, tınıshlıq baǵdarlamasın alǵa qoyıw hám óz-ara isenim ortalıǵın jaratıw jolındaǵı ámeliy qádem, dep bilemiz. Ázerbayjan samolyotları bolsa kóp waqıttan berli Armeniya hawa aymaǵı arqalı tiykarǵı aymaq hám Naxchivon Avtonom Respublikası arasında párwaz etip kelmekte.
Avgust ayınıń aqırında Pashinyan Shanxay birge islesiw shólkemi sammitinde qatnasıw ushın Qıtayǵa, keyin ala Yaponiyaǵa bardı.

S.Rahimov, ÓzA