Baylanıs hám málimlemelestiriw xızmetleri zamanagóy ekonomikanıń eń ósip atırǵan tarmaqlarınan biri bolıp esaplanadı. Sanlı texnologiyalar, internet xızmetleri hám kommunikaciya qurallarınıń keńeyiwi jámiyetlik turmıstıń barlıq tarawlarında óz kórinisin tappaqta. 2025-jıldıń birinshi yarımında Milliy statistika komitetiniń maǵlıwmatlarına bola, respublikada baylanıs hám málimlemelestiriw xızmetleriniń kólemi 41,7 trillion sumdı quradı. Bul kórsetkish ótken jıldıń usı dáwirine salıstırǵanda 21,9 procentke ósip, tarawdıń sezilerli dárejede rawajlanıp atırǵanınan dárek beredi.

Aymaqlar kesiminde bolsa bul xızmetlerdiń kólemi hám ósiw páti hár qıylı bolıp, ayırım aymaqlar sanlı ekonomikada áhmiyetli rol atqarmaqta. Tashkent qalası bul tarmaqta jetekshilik etpekte. Onda baylanıs hám málimlemelestiriw xızmetleriniń kólemi 29 trillion 944,2 milliard sumǵa jetken.
Sonday-aq, Ferǵana wálayatı – 1 trillion 518,7 milliard sum, Samarqand – 1 trillion 473,7 milliard sum hám Tashkent wálayatı – 1 trillion 376,6 milliard sum menen tarawda úlken belsendilik kórsetpekte.
Bul kórsetkishler sanlı xızmetler tarmaǵınıń rawajlanıw dárejesin, xalıq hám biznestiń sanlı texnologiyalarǵa bolǵan talabın sáwlelendiredi. Usı maǵlıwmatlar tiykarında baylanıs hám málimlemelestiriw xızmetleriniń ekonomikadaǵı ornı, aymaqlardıń ayırmashılıqları hám perspektivalı baǵdarları haqqında jáne de tereńirek tallaw alıp barıw múmkin.

Dildora DWSMATOVA.
ÓzA