Mámleketimizde jaslar jetekshileriniń jumısın jetilistiriw, olardıń jaslar menen tıǵız baylanısıp, olarǵa jaqınnan járdem beriwine imkaniyat jaratıwǵa ayrıqsha itibar qaratılmaqta.

Usı múnásibet penen Jaslar isleri agentligi hám bir qatar birge islesiwshi shólkemlerdiń baslaması menen jaslar jetekshileriniń bir toparı házirgi waqıtta Qıtay Xalıq Respublikasınıń paytaxtı Pekinde jaylasqan Mámleketlik basqarıw milliy akademiyasında tájiriybe arttırmaqta.
Maǵlıwmatlarǵa bola, Mámleketlik basqarıw milliy akademiyası Qıtayda mámleketlik xızmetkerler hám basshı kadrlardı tayarlaw boyınsha eń abıraylılardan biri bolıp esaplanadı.
Oqıw procesinde jaslar jetekshileri mámleketlik basqarıw strukturasın úyrenip, xalıqaralıq tájiriybe tiykarında jańa ideyalar islep shıǵıw hám olardı máhállelerde engiziw kónlikpelerin rawajlandırmaqta.
Qánigelerdiń atap ótiwinshe, akademiya jaslarǵa mámleketlik basqarıw, strategiyalıq rejelestiriw, innovaciyalıq menedjment hám sociallıq rawajlanıw baǵdarlarında aldınǵı tájiriybelerdi úyreniw hám olardı ámeliyatqa engiziw imkaniyatın beredi.

Gulnoza Boboeva,
ÓzA